Report

گچینکاری رپورٹ، عزت اکیڈمی پنجگور

عزت اکیڈمی ءِ مجلس ءِ کاررہبندی مدت ءِ سرجم بوئگ ءَ پد مجلس ءِ دیوان ءَ پہ نوکیں گچینکاری ءَ رہبندے گیشینگ بوت۔ مجلس ءِ سوڑگ ءِ رَد ءَ باسکانی گڑی لَڑ دیم ءَ آرگ بوت ءُ یک سئے باسکی گچینکاری ڈَلے ہم دارگ بوت کہ آئی تہ ءَ اے مردم ہوار اِت اَنت؛
1- مجاہد بلوچ/ سروک
2- وقار آسکانی/ باسک
3- محمد اعظم/ باسک
گچینکاری ڈَل ءَ پہ گچینکاری ءَ اے وہد ءُ پاس گیشینت انت۔
گچینکاری 26 ستمبر ءَ سہب ءِ ساہت 10 ءَ ماں عزت اکیڈمی ءِ ماڑی ءَ بنت۔

18 ستمبر ءَ دانکہ 22 ستمبر ءَ سہب ءِ ساہت 9 ءَ دانکہ نیمروچ ءِ ساہت 2 ءَ پہ مجلس ءِ اگدہ ءُ باسکی ءَ واہگدار گچینکاری کاگداں جم دات کن انت۔
23 ستمبر ءَ واہگدار وتی کاگداں واتر زرت کن انت، ہمے روچ ءِ نیمروچ ءِ ساہت 3 ءَ امیتوارانی گڑی لڑ دیم ءَ آرگ بیت۔

گچینکاری ڈَل ءَ 26 ستمبر ءَ سہب ءِ ساہت 11 ءَ نبشتہی دروشم ءَ وتی سرجمیں ءُ گڑی رپورٹ اکیڈمی ءَ جَم دات، اے رپورٹ ءِ رد ءَ اے مردم بے گچینکاری (بلامقابلہ) ءَ دانکہ سئے سال ءَ اکیڈمی ءِ مجلس ءِ اگدہ دار ءُ باسک انت:
(اگدہ دار)
کماش: پروفیسر خدارحم شوہاز
کمک کماش: ملا مراد بلوچ
کارگشاد: اقبال زہیر بلوچ
مالی کارگشاد: ودود عبدل
شنگکاری کار گشاد: پیر جان نعیم
(باسک)
پروفیسر اکبر گمشاد
پروفیسر زاکر صادق
رفیق چاکر
ولی ساسولی
صابر سید
غلام جان غلام
چوشکہ، سوڑگ ءِ رِد ءَ 26 ستمبر ءَ بائد انت سکریٹری ءُ مالی رپورٹ لس مجلس ءِ دیم ءَ پیش بہ بوتیں انت بلے ہمے نیام ءَ عزت اکیڈمی ءِ باسک ءُ بلوچی زبان ءِ نامدار ءُ کماشیں نبشتہ کار واجہ فضل عاجز بیران بوت۔ واجہ پہ اکیڈمی ءَ یک مڑی یے بوتگ، پمیشا دانکہ 2 اکتوبر ءَ عزت اکیڈمی سوگ داریت ءُ وتی ہر وڑیں کاراں مہتل داریت۔ 26 ستمبر ءَ بووکیں لس مجلس ءِ دیوان نوں 3 اکتوبر ءَ سہب ءِ ساہت 10 ءَ ماں اکیڈمی ءِ ماڑی ءَ بیت، اے دیوان ءَ سکریٹری ءُ مالی رپورٹ پیش بنت ءُ مجلس ءِ نوکیں اگدہ دار ءُ باسک سوگند ہم دیگ بنت۔ سرجمیں باسک وت ءَ ساڑی بہ کن انت۔

Share

LEAVE A RESPONSE

Your email address will not be published. Required fields are marked *