Report

بلوچی اکیڈمی ءِ گچین کاری، سنگت رفیق کماش مجلس ءِ دراہیں باسکانی اگدہ دار بید ء مقابلہ سوب مند

 بلوچی اکیڈمی ءِ گچین کاری ءِ درگت ءَ گچین کاری کمیشن ءِ دیوان، سنگت رفیق کماش نامینگ بوتگ۔ آئیءَ ہوار کابینہ ءِ دراہیں باسک بیدء مقابلہ سوب مند بوتگ انت۔ ملک ظہور احمد شاہوانی ءِ پاگواجہی ءَ گچین کاری کمیشن ءَ 24اکتوبر ءَ اکیڈمی ءِ اگدہ دارءُ مجلس ءِ باسکانی کاگدانی جم کنگ ءِ روچ مقرر کتگ ات۔ سنگت رفیق ءَ پہ کماش، ہیبتان عمر ءَ نائب کماش ءَ، ڈاکٹر بیزن سبا ءَ کارگشاد، ذاکر قادر ءَ شنگکاری کارگشاد ءُ ظاہر جان جمالدینی ءَ پہ مالی کارگشاد ءَ وتی کاگد جم کتگ اتنت۔

پہ مجلس ءِ باسکاں ممتاز یوسف، محمد پناہ بلوچ، ایڈوکیٹ چنگیز عیسیٰ ءُ شکیل بلوچ ءَ وتی کاگد جم کتگ اتنت۔ ایشاں ابید دگہ کسّ ءَ وتی کاگد جم نہ کت انت پمیشا گچین کاری کمیشن ءِ 28اکتوبر ءِ دیوان ءَ اگدہ دار ءُ مجلس ءِ باسک نامینگ بوتگ انت۔اکیڈمی ءِ گچین کاری ہمو چار سال ءَ رند بنت کہ اکیڈمی ءِ کماش ءُ ایندگہ کابینہءِ باسک گچین کنگ بنت۔بلوچی اکیڈمی ءِ سالینہ دیوان نومبر ءِ اولی روچ ءَ جم دارگ بوئگ ءَ انت کہ گچین بوتگیں اگدہ دارانی سوگندی مراگش جم دارگ بیت۔

Share

LEAVE A RESPONSE

Your email address will not be published. Required fields are marked *