Uncategorized

جدلیاتی مادیتءِعلمءِلیکہ: اردو: علی عباس جلالپوری/ بلوچی: واھگ بلوچ

جدلیاتی مادیتءِردا، مادہ چہ سنچءَپیسر انت۔ سسا ءُسنچ مادہءِ، بزانکہ سرءِ مازگانی، صفت انت۔ سرءِ مازگاں چہ ڈَن، اشانا وتی ہچ وڑیں ہستی نیست انت۔

انسانءِ سسا چہ جانورانی سساءَبازدیماتر انت پرچہ کہ انسانءَتجریدی فکرءِبودمان انت۔پہ درور جانوراے گپءَزانت انت کہ اے یک درچکے،
بلےجانورانی کرا درچکءِتصورءِسچ نیست۔
ما انسان ءِ سنچءَچہ لبزاں جتاءُسِست نہ کن ایں۔ انسانءِ سساءَ ھچ وڑیں ھیالے ابید چہ لبزانی جامگءِگوراکنگ ءَ اتک نہ کنت۔انسانءِتہا ھبرکنگءِبودناکی یکجاہ زندگوازینگءَچہ اتکگ۔پمشکہ انسانءِسنچ راجمانءِپیداوارگشگ بیت۔

کارل مارکس گوشیت کہ ڈنی جہان معروضی انت،بزانکہ اے وتی است بوگءِواستہ ہچ وڑیں سسا یے محتاج نہ انت۔اے ڈنی جہانءِعکس انسانءِ سساءِسرا کپنت۔ سساءِ اے عکس پزیری ءِ عمل جدلیاتی انت۔اشی ءِ متلب اش انت کہ موضوع ءُمعروض چہ یکے دومیءَالگ ءُجتا نہ انت بلکیں یکے دومیءَگوں بندوک(مربوط)انت ءُ یکے دومیءَ متاثر کن انت۔
انسانءِ سسا مادی نہ انت، بلکیں حقیقی چیزانی عکس انت۔اے عکس چو فوٹوءِوڑا نہ انت پرچہ کہ حقیقی چیزانسانءِ سساءِسرا وتی عکس ءِشانگ(منعکس) ءَ پد بدل بنت۔ انسانءِسساءِتہاچیزانی ہستی نیست بلکیں آیانی عکس یاکہ امیج است انت۔ پہ درور اگا من کتابے گنداں، گڑا منی سساءَ آکتاب نہ بیت، بلکیں آئی ءِ عکس یا ھیال بیت۔اولی سرا کتاب انت کہ یک حقیقتےپدا سساءِتہاآئیءِعکس انت، پمشکہ فکر (thought) حقیقت ءِ عکس انت۔ جدلیاتی مادیت فکری آسراں(نتائج) ہتمی نہ پہمیت پرچہ کہ ڈنی جہان سساءِسرا وتی عکسءِشانگ ءَپد بدل بیت۔

۔جدلیاتی مادیت ءِروءَ، علم ہما وہدءَصداقت جوڑبیت وہدےآ گوں راستیاں(حقائق) ہمدپ بہ بیت (مطابقت)ءُ آئی ءِتصدیق عملءَچہ بوت بہ کنت۔پمشکہ ما گشت کنیں کہ عمل نہ تہنا صداقتءِمعیار انت بلکیں علم ءِ بنزہ ہم زانگ بیت انت۔اشیءِمتلب اے بوت کہ اولی سرا حسیات معلوماتءِدروشمءَ بنت، پدا چہ ہمے معلوماتاں فکری آسر(نتائج) درکنگ بیت(اخذ) ءُپدا عملءِکمکءَ ہمے فکری آسر( نتائج) تصدیق کنگ بنت ءُاشانا صداقتءِ نام دیگ بیت۔۔ما ہچ وڑا علم یا کہ نظریہ ءَعملءَ چہ سِستءُ جتا کت نہ کن ایں۔ ہمانظریہ کہ عملی دروشمءَاتک نہ کنت،یا عملءِتہا اتک مہ کنت، آویران(ویران) بیتءُ ہرہماعملءِ پشتہ کہ نظریہ نیست آبے ثمر بیت۔

Share