Art & Literature

دیرگتیں پیسرامنا بکشتینت: راشد سید بلوچ

دیر انت کہ من ءُ آیکیں فلیٹ ءَ نشتگیں۔بلے مئے کوٹی جتاجتااتنت۔مئےءُ آئی ءِ کوٹی دیم پہ دیم اتنت۔ مادوئیں یکیں فیکٹری ءَ کارءَ اتیں۔ آدگہ ڈیپارٹمنٹےءَ کارءَ ات ءُ من دگرےءَ۔ بلے من آکدی مان نیارت ءُ نیکہ وتی ہم درورءُ مٹ ءُبدل کت۔ من آئی ءَ ہچ کارئے بست آئی ءَ کت توری آکار جنجال باریں کارئے بوتگ بلے آئی ءَ ہما کارہماوہد کتگ۔

آئی ءِ دپ ءَ انکارءِلوز مان نیست ات ۔من ہرہدا نفرت ءِآسءَ بن بوتگوں ۔اگاں مئے کارابروکیں بسءِسیٹ کہ من آئی سرا نشتگوں۔ حالیک بوتگ بلے من آ وتی سیٹءِ سرا کدی ہم نندگ ءَ نیشتگ۔ آچونیں عجیب ءُ غریبیں بےڈھنگ ہے انسانے ات۔نہ شکل نہ رنگ نہ قد ءُ آئی ءِ زات ءُ نسب ءِ بابت ءَ مناحاصیں سرپدی نیست ات۔ یک روچے من آ کارئے بست شت ہیوالی ءَمنی کارئے کت ۔ بلے آئی ءِکارمنی تب ءَ نہ کپت۔

مناآئی ءِ سرا زہر اتک ءُ من آدنیا ءُ جہانے حبرءُ بد دات انت گشت توغلامے ات۔ غلام عقلءِ سراکارانہ کن انت۔ آ راوگ ءَ ات۔ بلے منی اے گپے اش کنئگءَ گوں آئی ءَ وتی گام داشت انت آاوشات۔وتی چکے تراینت۔ءُچم منی نیمگ ءَ درگڑینتاں۔ آئی ءِ اے پیم ءِ چارگ ءَ گوں منی جان ءَ ترس چیر کپت۔ منا ہمے گمان بوہگءَ ات کہ آ ہمے دمان ءَ کیت منی گٹ ءَ گیپت ءُ منا جنتءُکشیت۔ بلے آئی ءَزمین ءَ تکےجت ءُ مناں پنچے دات ءُگشتے ترالعنت پشتیں ءُ تو غلامانی غلام ات منا دیریں کہ غلامی ءِ سانکل وتی گٹ ءَ چہ لگوشتگ ءُ آجوئیں زندے گوں شان ءَگوازینگءَ انت۔ترانگتءَ غلامی ءِ ٹُک پرانت۔

Share

LEAVE A RESPONSE

Your email address will not be published. Required fields are marked *