Report

عزت اکیڈمی پنجگورءَ سساساچ نیادءِ سیمی دیوان 3 جنوری 2021 بزاں مرچی عزت اکیڈمیءِ کارگسءَ برجم دارگ بوت۔

عزت اکیڈمی پنجگورءَ سساساچ نیادءِ سیمی دیوان 3 جنوری 2021 بزاں مرچی عزت اکیڈمیءِ کارگسءَ برجم دارگ بوت۔

دیوان ءِ تہا پنجگورءِ جتاجتائیں پڑاں سیادی داروکیں اسکالرءُ نودربراں بہر زُرت۔دیوانءِ اولی بہر سسا ءِ تہا پروفیسر ڈاکٹر رحیم مہر صاحب ءَ “لبزانکی پولکاری ءِ ارزشت ءُ ربیت” ءِ سر ءَ رسانک در ءِ وسیلگ ءَ سرجمیں چمشانکے دات ـ

پروفیسر اشرف فضل ءَ اوں پولکاری ءُ دگہ جتائیں سر ھالانی سر ءَ نیاد ءَ وتی گپ ایر کُرتاں ءُ جُست ءُ باوست بوت ـ
وددو عبدل ءَ وتی آزمانک ” گوتو ” ونت کہ آئی ءِ سر ءَ نِشتگیں مردماں باوست کُت ـ

خُدا رحم شوھاز ءَ پنجگور ءِ بُن نام ءِ سر ءَ چمشانکے دات، صابر سید ءَ نائیجریا ءِ نامداریں نبشتہ کار (اقونبو اوچی)ءِ فلیش فکشن (دی کسٹمز جیولری) ءِ بلوچی رجانک ونت، نجیب قاضی ءَ مُنیر مومن ءِ شعرے ءِ انگریزی رجانک ونت ـ
گڈیءَ اکیڈمیءِ کماش ءُ دیوان ءِ نندوکیں سنگتاں پروفیسر ڈاکٹر رحیم مہر ءِ باز منت واری گپت کہ واجہ ءَ اے دیوان ءِ تہا چہ رسانک در ءِ وسیلگ ءَ بہر زُرت ـ
گُڈ سر ءَ سسا ساچ ءِ کماش ءَ َ دیوانءِ ہلاسیءِ جار جت ـ
سسا ساچ ءِ چارمی دیوان
07 فروری2021 ءَ برجم دارگ بیت ـ

Share

LEAVE A RESPONSE

Your email address will not be published. Required fields are marked *