Art & Literature

نبیلہ مہراب :Virginity

جنینانی کندگءُ ٹہکانی توارءَ سَجہین بازار سرءَ زُرتگ ات.یک نیمگءِ چاپءُ سوتءِ توار ات دومی نیمگءَ هلوتءُ کوکارانی توار ات.ماهگونگءِ دزگہار آهیءِ جلُءِ توکءَ نندوکءِ تاں او ماه گونگءَ کلاگ گرِگءَ اِت انت کہ تی مروچی شپ نکاه اِنت۔

ایں دزگہارانی توکءَ لهتیں سور کُتگینءُلهتیں جنین چُکءِ تاں. ماهگونگ ءِ سُہرین جُلءِ توک چہ دزگہارانی گژگاه پُر ات۔
ماهو… مروچی وتی نٹّءَ ٹیٹ کن…حانیءَ ماهگونگءِ پادءَچو مسکراہیءَ دست جتءُ گُشت.
هو ماهو! مروچی شپ تو پش پشءُبے_دروشُمءَ لِلّک کشیت ءُ یک چمءِ بندءِ کُت ءُ دو شالءِ پُشتءَ دیم چیریں ماهگونگءَ گُشتءِ۔

کسان سالیں ماهگونگءِ دلءِ دریْکگ ہرچ دمانءُ ساهتءَ گیش بوانءِ تاں۔
بلے (ٹیشو پیپر)ءِ زورگءَ بے ہال مبو- ساحیلہءَ چہ پُشتءَ دست شہار داتءُ گُشت۔
(ٹیشو پیپر) نوں چیا؟ عقیلہءَ ساحیلہءِ دیمءَ چارتءُ گُشت۔
تو جنین چُکءِ اے ایں چیزءَ نزانءِ جُست مکن ساحیلہءَ کندایت ءُ گُشت۔

انوگیں وهد وانگءِ وهد ایں اِدا جنین چُکی نیست. او ماں وانندگ چہ شما شرتر سرپدءَ. چو نہ ایں کہ شما نہ گُشءِ او ماں بہ سہی نہ باں. عقیلہءَتُرند تُرندءَ جواب دات۔
هو مرچیگیں جنین چُک مستءَ. ساحیلہءَ چو تژنءَ عقیلہءَ گُشت۔
مست بؤگءَ چیں بیت شُما جنین زانا مست نہ اے؟ عقیلہءَ لُنٹ تاب دات انتءُ گُشتءِ۔
شریں شریں شما نوں داوا مکن اِت. دروشمءَ گپءِ توکءَ دور کُتءُ گُشت۔

شرین منءَ تو بُگش (ٹیشو پیپر) چیا لوٹ ایت؟ عقیلہءَ پدا جُست کُت۔
نکاهءِ شپءَ وپتءُ وابءِ وهدءَ حون در کئیت. اشاں چہ معلوم بیت که جنک جنک (ویرگن)ءِ بِزان دست جنگ نہ بوتگ او (سیکس)ءِ نہ کُتگ ءُ پاکءُ پلگار اِنت.پدا آہیءِ مرد سجہین زندءَ بروسہ کنت. دروشمءَ گُشت۔

حانیءَ گپ کپی کُتءُ گُشت کہ منی نکاهءِ شپءَ سک کم حون در اتکگ منی مرد انگت منی سرءَ شّک کنت.
هاهاهاها…عقیلہءَ بلائیں ٹہکءِ دات. منی حیال کار نہ کنت چونین دگنیاءَ شما نشتگءِ؟ کہ یک حونءِ پٹءِ سجهیں زندءِ پیسلہءَ زُور ایت؟

اڑے عقو شُم مکند پاریءِ سالءَ منی دیمءَ جنکءِ سہن مردءَ دات انت نکاهءِ شپءچہ پد۔ مئے چاگرد همیں پیم جوڈ بوتگ۔
دروشمءَ دست عقیلہءِ کونڈءِ سرءَ ایر کُتءُ گُشت. حانی ءُ ساحیلہءَ هم گپ گپت گوں۔
زاناں چی ایں؟ حاضره هم جنین چُکءِ ات ءُ گشتءِ. زند جنکءِ گیں او باریں کجام عمرءَ سور کنت آ وتی سجہین واهشءَ پہ یک شپءِ ءَ بے داریت؟؟مریمءَ گپ گپت گوں او گُشتءِ . اگاں ماں ایں پردهءَ مردینءَ پِر بکن ایت گڑا سورءِ جندءِ سوچ هم گار بوتگ ات۔

سمی ءَ دلءَ جیڑ ایت کہ منءَ پردهءِ جند پر نیست.
مریمءَ گپ بندات کُت ءُ گُشت. (ویرگینٹی) ایوکءَ (سیکس) ءَ چه نہ پروشی بیستءُ یکمیءِ کرنءِ وانندگیں جاهلءَ.آهیءِ بازیں دگءَ سوب هم استءَ. اشانی گپ کپی بوتءَ ءُ جُلءِ توکءَ رُمبءِ نیم عمرءِ جنین پُترتءُ بانورءِ بُرت پہ سرءِ گؤپگءَ. ءُ عقیلہءِ چم کپتءَ کہ نازاتون الماریءِ سرا دو (ٹیشو پیپر)ءِ ڈبّءَ ایر کنگءَ اِنت۔

Share

LEAVE A RESPONSE

Your email address will not be published. Required fields are marked *