Art & Literature

گہار مہ گش: زاہد دشتی

آ چہ گیشیں وانگ ءُ زانگ ءِ ھاترا شال ءَ اتکگ ات۔نوں آئی ارادگ ات کہ من ھمدا مزن شاہ دربرجاہ ءَ داخلہ زوراں واناں بگندے منی آکبت گہتر بیت ۔ بلے آئی ءَ اد ءَ کس ءَ نزانت پجاروکے نیست ات ۔کاگدءِ دست ءَ اتنت جست ءُ پرس کنگءَ ات کس آئی ءِ کمکا کنگ ءَ تیار نہ ات۔آئی ءَ گوں نودربرانی سیاسی گلاں نزیکی نیست ات۔ چیا کہ نودربرانی سیاسی گل اے ساھت کمک کنگ ءَ دیما کاینت اگاں کسے آھانی گلءَ نزیکی مہ کنت گڈا آ اشانی کاراں نہ کناں۔

بلے آ درامدے شہر ءَ اتکگ ات نوں ابّکا ات من چوں بکن انت اے ساھت ءَ کجا برواں کئی دامن ءَ بگراں وتی عرض ءَ پیش بکناں آ دل ءَ باز جیڑگ ءَ ات چیا وھد سک کم ات بس داخلہ ءِ گڈی تاریخ ءَ دو روچ پشکپتگ ات ۔
اناگت گوں شئے ءَ ڈک ءِ وارت شئے ءَ گشت گُہار ھیریں ات چیا زانا تئی چے گار انت تو چوں سر جنگ ءَ ات ۔ آئی ءِ دل ءِ ھیسکارگ ءَ برز ات آئی ءَ یک بلائیں آہہہہہہ ءِ کش ات۔۔۔۔گشتے برات من چہ دور ءَ اتکگ انت نوں منا وتی کاگد جم کنگی انت بلے نہ من ادا مردمے زاناں نہ کہ جائے۔ پہ براتی تو مرچی منی کمک ءَ بکن من ادے مردمانی تب ءَ گندگ ءَ انت سک دلپروش انت ۔ اگاں مرچی منی کار نہ بوتاں گڈا من سوتکگ چوشیں وانگ ءَ ۔۔۔۔۔۔۔۔۔۔ اے پیمیں وانگ ءَ قلندر بھرات۔۔۔۔۔۔۔۔۔آ نوں وت ءُ مئیل ات۔۔۔۔۔ ھرچی کہ آئی ءِ چماں دیستگ ات ءُ گوشاں اش کتگ ات لس مردم آئی ءَ گندگ ءَ اتنت چونیں چونیں لیکہ(کمنٹس ) درشان کنگ ءَ ات ۔ اے ساھت ءَ آ شئے ءِ دیما وتی دل ءِ زنگاں ریچگ ءَ ات اوں آئی ءِ چمانی ارس ٹُپ ٹُپ ءَ کپگ ءَ اتنت۔ آئی ءِ دیم سک سہر تراتگ ات ۔ آ لرز ءَ ات نوں وتی جوش ءِ تہا اتکگ ات ۔ شئے گشت گہار کمیں نند وتی گرم ءَ سارت کن کم بخت تئی جندا بی پی ءِ گپت ۔۔۔۔۔

آئی ءَ ٹہکے دات گشتے قسمیں انوگیں مردماں مردم گندے دل گشی گٹ ئے بدار۔۔۔۔۔۔۔۔
شئے گشت دگنیا انت ادا ہزار گنداگیں ءُ ہزار شریں مردمے در کئیت بلے انسان وت وتی پہازگ ءَ بکنت ۔ ساھت ءَ پد وت ءُ شئے ھمراہ بوتاں داں نیمروچ ءِ وھدا کارے سرجم کتاں ۔ آئی ءَ وتی داخلہ چکاس پاس کت سک گل ءَ بال ات گشئے شئے تئی مہربانی انت کہ مرچی من داخلہ زرت ۔آئی ءِ گورا چوشیں لبز نیست ات کہ آ منتے بہ گپت۔

بلے نوں وت ءُ شئے ھمک روچ یکے ءُ دومی دیدار ھدوک ات انت ۔ الم روچ ءِ ساھتے نہ ساھتے اشانی دیدار بوت۔ بلے اشانی رشتہ ءِ بُن ھشت چہ برات ءُ گہاری ایر ات ۔ نیام ءَ نوں دوئیں ٹل ءَ ٹل اتنت۔
چھٹیانی وھداں دوئیں یک ءُ دومی ءِ گندگ ءَ چہ بےتاھیر اتنت یک روچے شانی دل ءَ سالے کچ ءَ ات۔ بلے اے سئیں ماہ ءَ انچو پہ واراگی گوازینتاں ۔۔۔۔۔۔۔آئی ءَ شئے ءَ گشت پو ودار کنگ سک گران انت گشئے منی سرا برفےءُ دل ءِ سرا سنگے ایر بوتگ من نہ گشتگ پدا مئے دیدار بیت ۔

سال گشئے ساھتے وڑا ھلاس بوتاں اشانی گڈی نند ءُ نیاد ءَ زبیر شعر درائیں ۔
۔۔
تو گُہار کتگ گریتگ، من برات کتگ گریتگ۔
ھمے ساھت ءَ آ چست بوت گشئے نوں کس ءَ گُہار مہ گش ۔۔۔۔ اے پیمیں گہار ءُ براتی گار کنت ۔۔۔۔۔

Share

1 COMMENTS

LEAVE A RESPONSE

Your email address will not be published. Required fields are marked *