Blog

8 مارچءُ زالبولءِ ارزشت: عمر عثمان

مروچی 8 مارچ میاں استمانی پہناتءَ زالبولانی روچ نامینگءُ دارگ بوہگا نت۔اے روچءِ دارگے درگتءَ زالبولانی مزنیں جنزے ہوار انت۔کساس 110 سال پیش امریکہءِ نیویارکءَ شہر زالبولانی مچیءَ آہاناں وتی زندگ بوہگے برابریءِ بنیادءَ حقءُ مز دئیگے چاگردءِ تہا شرف بکشگ ئے ووٹ دئیگےءُ دگہ بازیں بنکی حقاناں گرگے سکین داتءُ اے روچ 1975ءَ اولی رند ہواریں ملکانی گلءَ منظور کت۔چریشیءَ دنیائے تہا بازیں ملک زالبولوں ارزشت دئیگے حاترا سرکاری موکل کن انت۔

ادا اے باوست جبینءَ بیل و آلاڑ وارت کہ زالبولانی اے جہد کہ ایشیءِ پشدر یک کرنےءِ جہدءَ گوں بندوک انت اگاں گواچنی چارگءُ ٹپاسگ بہ بیت زالبول ایوکا چاگردی جیڑہانی آماچ نہ انت بلکیں بازیں قوم تنیگہ ہواریں جبرنی دیمپان انت گرا چریشیءَ ہمے سہرا بیت دنیا ایوکا مہلوکے دلءِ واپینگءَ پہ 8 مارچءَ داریت۔وہدے کہ راج لٹانی دیمپن بنت ہواریں ملکانی گل نندیتءُ ندارگ چاریت گرا وہدے زالبول لٹانی دیمپان بیت پرآئیءَ چے درابول برّیت ؟ چشیں ساعتءَ ملا روباہءِ کرد دنیاءِ دیما سہرا بیتءُ اے وہدءَ ہواریں گل کرد پہ زالبولاں ہمیش انت۔

مہلوک شر سرپدءُ گندگا انت کہ زالبول مات انت گہار انت لوگبانگءُ دشتار انت بلے چریشیءَ ابید ہمک روچ گورآئیءَ چے بوہگا انت۔زالبولءَ ایوکا یک مردمے وتی پادانی چیرے ہاک نہ کنت بلکیں ادا شریءَ سہرا انت کہ استانی پہناتءَ چے ارزشت انت۔ہواریں ملکانی گلءَ 8 مارچءِ دارگے ارزشت جہانءِ دیما منتگ بلے آئیءِ پامالیءِ سرا کدی وتی چم چست کتگ انتءُ ہما مردمناں پادتراپ دئیگے کدی جہد کتگ کہ زالبولءِ ارزشت ئے ہاکاں ہوار کتگ،،،،اناں۔۔۔۔بلکیں ہماہانی پشت پناہی کتگ۔منی نزاں زالبولانی دارگے روچ پرآہاں ہمدردی کنگ نہ انت بلکیں آہاناں ہمے گیرآرگی انت کہ زالبول ایوکا زالبول انت۔آئیءِ کرد ستر برز بہ بیت بلے آ پادانی چیرے ہاک انت۔

داں میاں استمانی پہناتءَ بنکی حقناں راجاں دئیگ نہ بیت۔اےروچءُ ماہانی دارگ ایوکا دلانی تسلہ دئیگا انتءُ زالبولانی ٹپانی سرا گیش واد مالگ انت۔اگاں بلوچ راجدپتر چارگ بہ بیت زالبولءِ حق 1910ءَ چہ پیش منگءُ ارزشت دئیگ بوتگ انت البتہ وہدے ہمراہیءَ بازیں چیزے وہدے زوراکانی ناسرپدیءِ سببءَ پامال بوہگا انت۔اے بنکہی حق تنا وہدءَ پادمال کنگ بنت داں راجانی ارزشت پادمال انت۔

Share

LEAVE A RESPONSE

Your email address will not be published. Required fields are marked *