Art & Literature

جی آر ملا، بلوچی زبان ءِ وَش تبیں شاعر: عبدالحلیم

بلوچی زبان ءِ راجی شاعر جی آر ملا ءِ سیادی چہ بلوچستان ءِ بَندنی دمگ جیمُڑی اِنت۔ جی آر ملا 1939 ءَجیمُڑی ودی بیتگ۔ جی آر ملا ءِ اسل نام غلام رسول اِنت۔
جی آر ملا  بلوچی زبان ءِ گچینی شاعراں چی یک شاعر ءِ بیتگ۔ واجہ ءِ کماتگیں شھر راجی پگر ءُ سسا ءِ وَدینگ ءُ زمین ءَ گوں چہ ابید  عشق ءُ مھر ءَ چی بندوک ءُ چَکار اَنت۔
جی آر ملا ءَ پہ بلوچی زبان ءُ ادب ءِ دیمرئی واست ءَ بلوچی زبان ءِ مزن نامے شاعر واجہ سید ظہورشاہ ہاشمی ءِ اَم کوپگی ہم کُتگ۔ بلوچی زبان ءِ اولی لبز بَلد بزاں “سید گنج” ءِ رِد ءُ بند دیگ ءِ ہاتر ءَ ائی وتی گران بہائیں جُھد کُتگاں۔ واجہ ءَ سید ءِ کارانی دیم ءَ بَرگ ءِ واست ءَ گوں وتی دگہ ہمرایاں سید ہاشمی اکیڈمی جوڈ کُتگ۔ بنداتی ءَ اکیڈمی ءَ کراچی ءَ وتی کار بندات کُتگ۔ مَرچاں اکیڈمی گوادر ءَ کارا  اِنت۔
جی آر ملا ءِ یک شھری دپتر ءِ دیم ءَ آرگ بیتگ کہ نام ءِ “بَژن” اِنت۔ سید ہاشمی اکیڈمی گوادر ءِ چیردستی ءَ واجہ ءِ کلیات چہ “مھلبیں آتار” ءِ نام ءَ شِنگ کَنگ بیتگ۔ کلیات ءِ تھا شعری دپتر  “درد ءِ کپوت نالیت” ہم آوار کنگ بیتگ۔
جی آر ملا ءَ 26 اگست 2014 اے کوڑیں دگنیا یلہ کُتگ۔ مَرچی واجہ ءِ ہفتمی سالروچ اِنت۔ بلے بژن اِنت کہ واجہ ءِ سالروچ پہ بے تواری ءَ گوزان اَنت۔
کئی کاگدیں لُنٹ بہ لرزاں پہ من
منی مرگ ءِ بژن ءَ چہ موتک ءِ بیار اَنت
یا کہ درد ءِ بہ مار اَنت
یا پمن یک نیکیں دعاءِ بہ لوٹ اَنت
Share