Art & Literature

شوشل ویلفیر چے اے؟:توکلی بلوچ

دگنیا ءِ تہا وهدے انسان وتی زندگی ءَ یک شرّیں رنگے ءَ گؤازینگ ءِ جہد ءَ گلاہیش بیت تہ آ گندیت کہ بازیں زلورت است انت کہ اچ یکّے دؤمی ءَ گستا بؤهگ ءَ سرجم نبنت. اے پۂیم ایں ساهتاں آ وتی زلورتانی سرا دست رسی ءُ چہ جنجالاں رککگ ءِ واست ءَ چاگردی شِکل ءَ زند گوازینگ ءِ پیسلہ ءَ کنت. اے پیۂم ءَ زند گوازینگ ءِ پاہیدگ چہ گستا بوهگ ءُ زند گؤازینگ ءَ باز گیشتر بنت. انچو کہ انسان چہ آپتاں رککیت ، کسانیں کاراں کُمک ءِ لوٹ پیلو بیت ، ءُ گیشتر چہ گیشتر دیمروی کنت. امنچوک کہ انسان دیمروی کنان کنت تہ زلورت گیشتر بنت ءُ وساۂل کم. پمشکہ انسان داں مرچیگ ءَ اوں اے دربرگ ءِ جہد ءَ انت کہ ما چوں وتی کم ایں وساۂل آں گوں وتی بازیں زلورتاں پیلو بکن انت(اکنامکس). مرچی اگاں ما وتی چاگرداں بچاریں مارا اے گِندگ ءَ کۂیت کہ بازیں مردم است کہ آیانی بنیادی زلورت نہ رسگ ءِ برابر انت ءُ بازیں است کہ ہمک زلورت ءِ سرجم انت. اے ڈولیں چاگرد (بیلنس) نبنت. اے پیۂم ایں چاگرد دیمروی کدی نکن انت. اے وڈیں چاگرداں (اسٹیٹک) چاگرد گشنت کہ نسل در نسل یک وڈ انت. پدا انسان ءِ دیم ءَ هما جست چست بیت کہ کجام وڈا ما چاگرد ءَ بیلنس کت کن انت. چد ءُ پد انسان سماجی بہبود(سوشل ویلفیر) ءِ نیمگ ءَ رؤت۔

انسان وهدے اے زانگ بندات کنت کہ مئے چاگرد یک بیلنس ایں چاگردے نہے ءُ مردمانی بنیادی زلورتانی سرجمی مُشکل انت گڈا آ جہد کنت کہ اے زلورتاں گوں ہما رازیگ ایں مردمانی کُمک ءَ سرجم بکنت. سوشل ویلفیر ارزانی ءَ معنا کنگ نبیت. وهد ءُ زمانگاں سوشل ویلفیر ءِ فلاسفی اے ڈول بوتگ کہ انساناں گیشتر مزہب ءِ پشت ءَ مردم کمک کتگ انت بلے جدید دؤر ءَ سوشل ویلفیر یک پراه ءُ شاہیگانیں کالبے ءَ رزاکارانی ہما کار انت کہ آ پہ زلورت مندیں مردماں بنت کہ آ وتی زلورتاں ابید ءِ رزاکارانی کُمک ءَ کت نکن انت. زلورت مندیں مردمانی کمک، آندانانی کمک، سرجمیں چاگرد ءِ دیمروی ءُ چاگردی جیڑهانی هلاسی دْرس ہمے کالب ءَ اوار انت. مرچی باندا مزہب کم ءُ سماجی دیمروی ءُ مردم پرستی گندگ بیت. انڈسٹریل ازم ءِ آهگ ءَ ساری یا وا انسان ءِ جیڑه نبوتگ انت یا وا کم بوتگ انت بلے نوزدهمی سدی ءَ وهدے انڈسٹریل ازم کۂیت تہ انسانی جیڑه سک باز بنت انچو کہ گریبی، بے روزگاری، ہزارانی کساس ءَ بیماری ءُ دگہ باز جیڑه. اے سرجمیں جیڑه وهدے ہمراہی ءَ هتم وا نبنت بلے یک کساسے ءَ دزرس ءَ بنت۔
اگاں اے پۂیم ایں کار(سوشل ویلفیر) بندات ببنت
باہد انت ہمک مردم اے پۂیم ایں کاراں بہر بزوریت ءُ وتی چاگردئے ،وتی مردمانی، وتی آندان ءِ واست ءَ یک وسیلہ اے جوڈ ببیت ۔

Share