Blog

Renaissance of Buleda and  zamuran : حمید بلوچ

سرجمیں مُلک چوناہا ءٓ یک کورچاتے ءٓ دور دیگ بوتگ ءُ تہاری اے ءٓ  ہر گورا مانشانتگ۔ بلے چُش کہ مئے سرھال بلیدہ انت۔ چوناہا ءٓ سک دیر انت کہ ورناہانی تہا یک جزبگے ودی بوتگ قوم دوستی ءِ راج دوستی ءِ پرچاکہ 30 یا 40 سال گیش بیت کہ میتگ ہند دمگ روچ پہ روچ پشت ءٓ روگ ءٓ انت بلوچ ءِ  دود دودمان روایت ربیدگ اقتدار پروشت ءُ پروش ءِ آماچ بوہان انت ءُ نوکیں ربیدگ دودماناں سر چست کنان کتگ ءُ راجمان ءِ تہا جاگہ کنان انت۔ بلیدہ زامُران یک قبائلی علاقہ اے ءُ ادا باز ٹٓک جاہ منند آنت ءُ بازیں ٹٓک آں ھاکمی کتگ بلے گُڈسرا کہ وھدے مکُران ءٓ سرداری نظام ھلاس بیت بلیدہ زامُران ءِ سردار نوشیروانی ٹٓک بیت۔ چُش کہ وھدے دومی جہانی جنگ بیت دگنیا دگہ دروشمے ءٓ بیت جموریت مھکم بوہان بیت ءُ ہر یکے ءٓ وتی وڈا زند گوازینگ ءِ ھق دیگ ءِ جار جنگ بیت۔ عوام وتی نمائندہ ءُ سروکاں ءٓ وت گچین بکنت گڈا بلیدہ ءٓ اوں سرداری نظام ھلاس کہ بیت گُڈسر ءِ سردار میر مھراب خان نوشیروانی دوئم بیت کہ چِب بلیدہ جامنند بیت۔

نوکیں رنگ ءُ دروشم ھالات چست بوہان بیت کولڈ وارے بندات بیت دو لیکہانی میان ءٓ کہ یکے اشتراکیت بیت ءُ دومی سرمایہ داری نظام۔ اے انچیں وھدے بیت کہ بلوچستان ءِ  بستار میان استمانی سیاست ءٓ گیش بیت۔ ہردمگ ہر میتگ مُشکلانی آماچ بیت داں1989 ءٓ اے سرد جنگ ھلاس بیت۔ سرمایہ داری نظام ءِ منوگر سوبمند بنت۔

 من کایاں وتی اسل جیڑہ ءِ سرا کہ بلوچستان یک تہاری ءٓ گیشتر ایر بُکان بیت کہ دگنیا سک باز دیمروئی کنت ءُ ما انگت پیش ءِ لوگاں بئیں  مشکی آپ  وریں ءُ وتی پشک ءِ دُمبُل ءِ سرا وتا گوات کنیں ءُ وتی گُربت ءٓ وتی لاچاری ءٓ وتی بزگی ءٓ گوں پہر ءُ شان ءٓ وتی دود ءُ ربیدگ لیکیں۔

دومی یک نشہ ءِ ربیدگے کیت ءُ گُٹ ءٓ لوپ بیت ہمے داب ءٓ بلیدہ زامُران  ءِ ورنا یک جنزے بندات کن انت کہ بیا ات وتی میتگاں وتی ھلک ءُ کوچگاں چراگے بلینیں ءُ اے تہاری ءٓ گار کنیں۔ بندات چہ نشہ ءِ شُومیں نادُروہی ءٓ کنگ بیت کہ چاگردے چو شُومٓک ءِ ریش ءٓ وران کتگ۔

جُنز چہ زامُران الندور میناز سلو چِب بٹ کوشک ءٓ سرجمیں زامُران بلیدہ ءٓ مان پتاہان کنت 10 اگست ءٓ یک گرینڈ جرگہ اے ٹہینگ بیت زامُران بلیدہ ءِ کُل ورنا پیر کماش ہر تک ءُ پہنات ءِ مہلوک یک مشت  بیت ءُ اے سِلیں نادراہی ءِ ھلاسی ءِ جار ءٓ جنت انت۔

یورپ ءِRenaissance  ءِ بابت ءٓ ہبر کنیں کہ چے اے ءُ اشی راجدپتری پُشدر چے انت۔

وھدے یورپ تہاری ءِ کورچات ءٓ بیت ءُ دیم پہ دیمروی ءٓ نوکیت ءٓ جنزان بیت۔the era of reianassance  گُشگ بیت۔

اٹلی ءٓ وھدے 1330 ءٓ ریناسینس بندات بیت داں 1550 ءٓ۔

 چوناہا Renaissance ءِ بزانت انت Rebirth  بزاں پدا زندگ بوھگ پدا وتا دیمروئی دیگ۔ اے انکلاب چاردہمی کرن ءٓ بگر داں ہبداہمی کرن ءٓ برجاہ بیت کہ اٹلی ءِ تہا نوکیں سوچ پگر لیکہ ودی بیت ءُ تخلیقی کار گیش بوہان بیت جُست کنگ بندات بیت human development ءِ سرا گیشتر کار بندات بیت۔ گیشتر دلگوش humanism ءِ نیمگ ءٓ بیت انسان دوستی ءُ انسانی ھقانی بابت پگر کنگ بیت کہ یک برے بیا ات وتا شر کنیں انسان ءُ انسانیت ءِ سرا کار کنیں ۔ اے یک لیکہی آشوبے ودی بیت۔ humanism ءِ لیکہ چش بیت کہ مارا ہمے گشگ بیت کہ ہرچی بیت ہما دگنیا ءٓ بیت اے عارضی دگنیائے دگنیا ہما انت بلے آ دگنیا رندی اے یک برے بیا ات ہمے دگنیا ءٓ گہتری ءِ نیمگ ءٓ بریں داں مئے آوکیں پدریچ زندگ بوت بکنت وتا پجارت بکنت وتی زمہ واری ءٓ بزانت آ دگنیا ءٓ چہ گیش انوں مارا اے دگنیا وتی ھلک وتی میتگ ترتیب دیگی انت ۔گڈا ہمے داب ءٓ اے آشوب اٹلی ءٓ چہ شنگ بیت ءُ سرجمیں یورپ ءٓ شنگ ءُ تالان بیت۔

اے وھد ءِ فلاسفرے کہ نام انت اے میکاولی وھدے کہ اشی نام گوشاں کپیت گڈا مردم گشنت اے ہمے مردم انت اشی جنگ جدل دروگ ءِ بندگ سوج داتگ بلے اے مرد ءٓ راستی سوج داتگ۔ اگاں اشی ”پرنس ” کتاب ءٓ یکے بوانیت شریں وڈے ءٓ زانت۔

اے واجہ ءِ گشگ انت اے سوچگی نہ انت کہ دگنیا چون بہ بیت۔ اے چیزاں ہرکس زانت کہ شریں انسانے بوھگی انت دروگ بندگی نہ انت مارا کار کنگی انت ملک شر کنگی انت ۔ مستریں ہبر اش انت کہ دگنیا چون انت چون روگ ءٓ انت ہمے زانگی انت ہمے مارگی انت۔ واجہ ءٓ تیولوجی چہ سیاست ءٓ جدا کتگ کہ ہو راستے کہ مارا بائبل سوج دنت کہ دروگ ھراب کاری فریب سلیں کار انت بلے مارا راجدپتر راجمان ءُ سیاست چارگی انت واکی انچوش انت مردم واکی انچو سوچنت۔ میکیاولی ءِ گشگ انت راستی ءٓ بچار ات کہ چے بوھگ ءٓ انت۔ پمشکہ واجہ the father of realism  گشگ بیت۔ پورپ ءِ تہا نوکیں علم زانت ودی بیت تخلیق دیمروئ کنت کہ ہمے دور انت Columbus 1442 امریکہ ءٓ دریافت کنت کہ کس ءٓ نہ زانتگ کہ کئے کجا انت ءُ چے کنگ ءٓ انت۔ دومی پدا پورپ ءِ تہا یک انچیں مزنیں وبائے کیت کہ Black death  ءِ نام ءٓ زانگ بیت کہ پورپ ءِ مزنیں آبادی کُشیت ءُ برباد کنت ۔ ہما کہ چہ اے وبا ءٓ رٓکھنت اشانی واستہ دگہ نوکیں زندے ءِ گوازینگ ءِ راہ پچ بنت گیشتر آزادی دیگ بنت نوکیں سوچ نوکیں لیکہ گیشتر دیمروئی کنت۔ کسہ سک باز انت کہ پدمنتگیں راج ملک چون بوتگ انت ءُ چے پیم اشاں دیمروئی کتگ۔ چُش کہ ما چو پورپ ءٓ بوت نہ کنیں بلے وتی وس ءُ واک ءٓ چہ اے تہاریں کورچات ءٓ وتا کشیت کنیں۔

انچو پورپ ءٓ اے وبا ءٓ پد لس مہلوک ءِ دگہ نوکیں دابیں زندے پیداک بوتگ انچو بلیدہ زاُمران چہ اے نشہ ءِ وبا ءٓ ولگوج کنگ ءٓ پد لس مہلوک اوں یک نوکیں زندے ءِ واہند بیت نوکیں پگر ءُ لیکہ ودی بیت ادا جست بیت ھساب بیت گپ بیت وتی ھق ءِ وتی پدمنتگی ءِ

انچو اے آشوب سرجمیں مکُران ءٓ شنگیت سرجمیں مُلک پاد کیت ءُ اے وبا ولگوج بیت ۔ وانگ زانگ بہ بیت ساز ءُ زیمل دیمروئی کنت آرٹ  دیمرئی کنت ہر تک ءُ پہنات دیمروئی کنت۔ کینگ اسد بُگز کورچات ءٓ کنگ بیت راجمان ءٓ چراگے بلینگ بیت چاگرد وشنود بیت۔ ہر فرد master of all بیت کنت اگاں بلوٹیت

۔ بلیدہ زامُران پدا وتا زندگ کنگ لوٹیت۔

Share